العنان / رعشة هدب
صفحة الشاعر
احمد القماصي العنزي
fbi_95@hotmail.com
نفسي عزيزه
في لـيلةٍ ضاق صدري وتمنيت المنيه في ليلة
هموم دنياي سكنتني
تذكرت اللي رمى همومه عليه بغيت ادفن همومي هي دفنتني
عشت بوهم بين احضان دفية اللي هوتني سنين عقب تركتني
اعطيتها عقلي وكل شي ليه وقلب مهموم وشقاوي عطــتني
اردلك قلبك وقلبي هديه الدنيا غريبه وافكاري خذتني
يا حيف بهادنيا نفوس دنــيه نفس تذوق المر ونفس انكرتني
نفسي عزيزه حيل ونفسي غنيه وما اعتقد ارجع لنفس جفتني
البارحه ياناس
البارحه ياناس زادت جراحي
البارحه يا خلق تراني تحطمت
يوم قلبي من عنا الحب استراحي
وكسرت في قلبي حواجيز هالصمت
هنوف انهت كل افراحي
عقب هجرك والخيانه تعلمت
ان الوفا في هالزمن ولى وراحي
ما تفهمين الحب مهما تكلمت
لعنبو جدك ما سمعتي اقتراحي
لين جا يوم وبه تندمت
خيانتك يابنت عطرها فاحي
وعن سوايا الحب بعدك انا صمت
كنت مسجونك واطلقتي سراحي
وانربط في خاطري كلام وتلعثمت
كنتي بطريقي هم والحين انزاحي
عشقتك عشق الاعمى وبك همت
والحين روحي ليوم الفلاحي
ولسوايا الحب انا اقفيت وسلمت
تذكرين
تذكرين دموع عيني والشقا * * *تذكرين طعون غدرك والحنين
تذكرين دمي ودمعي والبكا * * *تذكرين..وتذكرين..وتذكرين
مارحمتي في خفوقي مابقا * * *مارحمتي عاشق هزتة السنين
بعد عذرك وغدرك ما هقا * * *يبقا فيني حب وجرحك دفين
أتحرى شوفتك وقت اللقا * * *ماهقيت ابقى بأسبابك حزين
عقب فرقاك قلبي ماشكا * * *لوعة فراقك بين حين وحين
بس.! باقولك اذا هجرك بطا * * *لاتحاول رجعتي لك يا ظنين
عبرة وتمثال
بدون شعور الدمعه تسيل
من همومي وضيقه البال
تحس اني لحبك اميل
واجيك اذا طلبتني بالحال
ما مثلك اثنين والثالث زميل
انت الحبيب ونسيانك محال
قالوا لي حبيبك جميل
قلت أنا اخلاقه فوق الجمال
قلبي انا بحبك ذليل
امانه لاتقطعين الوصال
احبك في جيلنا وفي اي جيل
وصرت انا للزمن عبره وتمثال
وانا من اسباب المحبه عليل
وصرت أنا قول الخلايق بالأمثال
الوفاء
الوفا عاده وشيمه
رجاجيل
ماهي بكلمه تنقال بسهـولـــه
وماهي الرجوله بهز الفناجيل
الرجوله بلا الوفا ماهي رجوله
وفا أول ماهو وفا عيال هالجيل
اللي يتسابق بخطوات عجوله
ياخـوفي يجرفنا غريق السيل
ونضيع مع شخص تخابط رجوله
وش لك يا سعود بالقال والقيل
أترك هرج العواذل والنذوله
وما نقول يا سعود غير التساهيل
غير الدعا والحسايف وش نقوله
شعر/احمد القماصي العنزي
fbi_95@hotmail.com
الكويت
