صفحة الشاعر

sahi1119@hotmail.com

للاطلاع على ترتيب الشاعر ضمن سباق الأدباء وتسجيل رأيك

على الصباح

عالصباح أهديك من يدي ورده  
                        ذبلت قبل ما أوصل بالطريق
أبي تصحى ورمشك باقي ماوده
                     بصوتك دفى وفي عيونك بريق
أبي أضمك بس هي ضمه وحده
                     وأصبحك بالخير يا أغلى رفيق
ياصباح الصبح يا ارق ورده    
                  وشلون ما أصبح أنا بحبك غريق؟
إيه احبك حب ما اقدر أعده     
                    إيه أودك إيه من دونك أضيق

كني بطريق خالي

دام غبتي مابقى لي شخص غالي
                                دام غبتي مابقى شي اخسره
كنتي بصبحي الشمس وانا سالي  
                                وهمسك بليلي كان لي قمره
ضحكتك باقي لا الحين في بالي   
                                 وعيوني دوم شايله العبره
وسط المدينة وكني بمكان خالي  
                             ساهي التفكير ومشتت النظره
كيف يهون عليك تخليني لحالي؟
                         ليه تبيني أعيش عمري في حسره

 الناعسة

نام بس تذكر قبل ماتنعس  

                            انك بقلبي كل الليالي
أنا فدى روحك وأنت تتنفس
                وأنا فدى وجهن من العيب خالي
بعيونك حزن وأمل من أمس
                      ومستقبل حلم ماقد طرالي
بوجهك يشرق شعاع الشمس
                   إضحك تفاءل حبيبي ولاتبالي
سولف أنا بقربك استأنس   
                         الحكي منك دلع ودلالي
أبيك على الصبح بهدوء تهمس
                      احبك موت حبيبي لحالي

 يلي خذيت القلب

يلي خذيت القلب والروح وياك
                            مابقى فيني غير دموع تشقيني
صدقيني ياوفيه في الهوى باقي غلاك
                          كيف ائتمن خاين بعدك يخاويني
وينك أنا تايه بعدك هنا وهناك
                          فقدت أنا قلبك معقول مافقدتيني
مشتاق لهمسك وضحكتك وبكاك
                            متى تكفي دمع هل من عيني؟
من يوم فرقانا إلى اليوم برجاك
                            وكل ليله أحس انك تضميني

 ودي دوم ازعلك

إن ضحكتي آه يازين ضحكتك
                            وإن زعلتي ودي دوم ازعلك
مدري ازعل وإلا اضحك شفتك؟
                            كلك حلا من أخرك لين أولك
من منزلك طيفي يخاوي خطوتك
                                يا ورده بليا باقة تحملك
اذكريني بس وأنتي برحلتك
                         ياحنونه حتى بقساك ياحبي لك
وأنا بنتظر بمكاني رجعتك
                          والى رجعتي بحضني بستقبلك

شعر / بقايا جروح sahi1119@hotmail.com