صفحة الشاعر

alshmmalyy@hotmail.com

للاطلاع على ترتيب الشاعر ضمن سباق الأدباء وتسجيل رأيك

طاح الحطب

يابو سعد هرج الرجل وزنه دليل المرجلـه
                        ولقيت أنا بهرجك أكيد معنى الرجوله كلهـا
وأنا احترم رجلٍ كسب من طيّب العلم اجزله
                         وأنت العلوم الطايله مه ماعتلت راقن لهـا
فيك أتشرف وافتخر يامن حفض قدر اولـه
                         يامن رفع في شيمته شيمت عرب ماذلهـا
يامن كسب له منزله بالطيب واصله منزله
                       حرٍ عن الهزله شهر يرفض ابد ينزل لهـا
من لابتٍ علم الفخر من كل صوبٍ تدخلـه
                      من طبعهم زبن الدخيل يوم العرب يزبن لها
قلته وأنا من عزوتٍ لها تهـون المعضلـه
                        تحفظ محارم جارها وأم اليتامـا بضلهـا
فرحة كبودٍ ضاميه وعوق السرايا المقبلة   
                      ويلان لاشان اللقـى كـلٍ يصـوت خلهـا
ستر العذارا لانتخن والـذل محـدٍ يقبلـه  
                      حصة لهم اكبر دليل يوم انتخوا عزن لهـا
قامو على وضح النقى ماخططـو للمسألـه
                     وكم روح شيخٍ بالقى اصغرهم صاح وشلها
مجدٍ بني وايل بنوه اسما المعانـي يحملـه
                    تاريخ وامجاد وصفات ملـكٍ لهـا تحتلهـا
ربعي على العليا نمو تاريخهم من يجهلـه  
                     شمس الضحى ماتختفي كل الملا يفطن لها
يابو سعد طيبك وصل مثلك ابد مرضا زعله
                   يابو سعد( طاح الحطب ) طيبك مسحها كلها

ماني على خبرٍ

يا سألي أنا العنا الوقت سايرت = خضعت أنا الوقتٍ على الجرح قاوي
ماني على خبرٍ تخبره تغيرت = ماني على خبرك بعيد الهقاوي
ماني هذاك اللي على الجور جيرة =خبرك قديم وله مع الوقت طاوي
عزاي صبري لأقسى الوقت سايرت = بِالصبر أسيّر كل صعبٍ نحاوي
بالصبر والعزة على ألآه صيرت = وعن العدو قفلت باب العزاوي
نظرت عداي بضحكتي إيه غيرت = من شافني قال الفرح لك هواوي

 لا كن أمانـه

كم ليلتٍ جيت ساري ياقصر مـارد  
                                    يمك ودي بس أنا اشوفها بعينـي
جيتك جريحٍ وجرحي للأسف بـارد
                                  اقف واطيح وادور مـن يداوينـي
جيتك وأنا الموت يامارد علي وارد   
                                  من يوم غابـت يخيلـي ينادينـي
اغيب مع طيفها عن عالمي شارد      
                                    في كل لحظة تخيلـي تحاكينـي
حالي جردها يامارد بعدهـا جـارد  
                                   كلي مئاسي ولابه مـن يواسيني
مشلول فكري وعقلي به سكن مارد   
                                   وعندي تساوو عدايه مع محبيني
لكن أمـانه امــانـه ياقصر مـارد
                                أن كان جتلك علمها وش جرا فيني

 تضحك لي الدنيا

 جيتك وانا مامقصدي غير شوفك  
                            غيره ورب الكون ماجيت 0أنا0 الشي
ياليت تسمح لي بشوفك ضروفك
                           واجلس معك وأنسى البشر ميت وحي
ترى0 حياتي 0كلها 0يوم اشوفك
                            تضحك 0لي0 الدنيا 0أذا شفتك شوي

 صدقيني من رحلتي

صدقيني من رحلتي انتهى حلـم الغـرام
                                ولأبقى للحب فيني من هجرتينـي مجـال
كن حبك لي مباح وحب غيرك لي حـرام
                                حبي لغيرك جريمة وحبي لك أنتي حـلال
لو بغيت أكذب وامثل غلا غيـرك بالكـلام
                                  صدقي حتى شفاتي ترفضه لوهو خيـال
حتى0 مجرد0 غلاية للحياة أصبح سقـام
                                 كن بالموت التلاقي والقبر حبل الوصـال
من رحلتي والله أني0 فاقدٍ معنى السـلام
                                وكل حلمٍ في حياتي انتهى وأصبح محـال
أنتي اطهر روح عشتك حب لحدود الهيام
                                وأنتي أول وجه وأخر وجه يرمز للجمـال

 بالعربي ما يصح إلا الصحيح

أبتدي بسم اللذي علمه صريـح = محصي(ن) بيض الليالي وسودها
جل شانه خالق الكون الفسيـح = منشيً مـزنٍ تتالـى رعودهـا
صّور الإنسان في شكلٍ مليـح = ميـزه بأشيـا عظيـمٍ فـودهـا
ميزه بالنطق والعقـل الرجيـح = فـي مزايـا نـادره بوجودهـا
يستعيد الروح من وسط الضريح = وكـل نفـسٍ ترجـع لمعبودهـا
أرسل الإنجيل بلسان المسيـح = وموسى (للتوراة) صان بنودهـا
ونزل القران في وحـيٍ فصيـح = للرسول اللـي وفـى بوعودهـا
وبعد ذكره قلت أنا قولٍ نصيـح = في قصيده فاهـمٍ مقصـودهـا
والمعاني عن هوا نفسي تبيـح = من بحر فكري نظمت عقودهـا
في كلام الصدق نفسي تستريـح = وقلت كلمة حق ضمن حدودهـا
ينمدح من كـان أهـلٍ للمديـح = والبنـادق روحهـا بـارودهـا
بالعربي ما يصح إلا الصحيـح = والسوالف نقصها مـن زودهـا
خذ وكاد العلم وش لك بالضحيح = والقضيـه تنتهـي بشهـودهـا
من مشى بالطيب يا لوجه الفليح = ينذكر به لـو سكـن بلحودهـا
ومن حفظ نفسه عن العلم القبيح = في فخر يجني رحيـق ورودهـا
ومن بناله مجد عالـي مايطيـح = حوله الحسـاد تبدى حشودهـا
حول مجده يكثر عـواء ونبيـح = والعـواذل لـه تعـد جنـودهـا
والحيايـا ماجداهـا إلا الفحيـح = والمكايـد مانفعـت نمـرودهـا
مايهم أهل الفخر قـول الشفيـح = يـوم بـاح بخافيـات سدودهـا
باع طهر النفس ولحقده منيـح =     ونفسه القشرا هـوّة منقودهـا
لاسمعته بالمجالس لـه ضبيـح = قلت هذا مـن أشبـال فهودهـا
وبالرخى ماله مثيـل ولانطيـح = وبالشد ايد مـا يحـرك عودهـا
دايـمٍ لعيـوب غيـره يستبيـح = ونفسه لعيبـه كثيـر جحودهـا
في صحيح العلم معروفٍ شحيح = خان نفسه واكتستهـا لهودهـا
بالعربي مآبه احـدٍ مستريـح =  والسوالـف عـارفٍ مردودهـا

يذوب الحرف ود وحب

يغلا من هـوى قلبـي 00 عشقـت الجـوف لعيونـك                       

                                            أحب الجوف وأهل الجوف00 يغلا النـاس مـن شانـك
ياحظ الجوف في قربك 00 تباهـت فـي صفـا لونـك                     

                                               تشوف الليل ونجومه 00 بشعـر(ن) يكسـي امتانـك
وتشوف الشمس في خدك 00 وتشوف السحر بجفونـك                      

                                                وتشوف الورد بشفاهـك 00 وألولـو صفـت أسنانك
وتشوف الفجر في ثغـرك 00 نسيمـه صـار مفتونـك                    

                                            وتشوف أجمل صفات الحور 00 بجسمٍ(ن) أصبح أوطانك
وياحـظ الأهل والجيـراً(ن) 00 اهنيهـم يشوفونـك                     

                                             في اسمك شايلٍ(ن) رسمك 00 جمـال الكـون عنوانـك
وياحظ الهرج في فمك 00 حروفـه تعـزف الحونـك                     

                                              يذوب الحـرف ود وحـب 00 أذا بـه ينطـق ألسانك

 حبي  الغيرك

صدقيني من رحلتي انتهى حلم الغـرام      ولابقى للحب فيني من هجرتيني  مجـال
كن حبك لي مباح وحب غيرك لي حرام   حبي لغيرك جريمه وحبي لك انتي حـلال
لوبغيت أكذب وامثل غلا غيرك بالكـلام   صدقي حتى شفاتي ترفضه لوهـو خيـال
حتى مجرد غلاية للحياة اصبـح سقـام     كن بالموت التلاقي والقبر حبل الوصـال
من رحلتي والله اني فاقدٍ معنى السـلام     وكل حلمٍ في حياتي انتهى وأصبح محـال
أنتي اطهر روح عشتك حب لحدود الهيام   وأنتي أول وجه وأخر وجه يرمز  للجمال

 الـقــدس

طال انتظار القدس لقدوم الإسلام     وماتت أمانيها بحلـم السعادة
مات الفرح بكفوفها والأمل هام    وبالعيد لبست ثوب زايد سـواده
حتى الفزع وسلاحنا حبر الأقلام   ماباقي الا بس نلبـس  حـداده
من المليك حسين( لحسين صدام)  (العلي عبدالله)( والبشير السيادة)
كل يوم نكتب السعد أيه  قـدام    ونلقى السواد بكف يسرا رمـاده
امٍ0 تموت0 وأم0 تبكي على أيتام   وامٍ0 سبيه0 ذلهـا فـي مهـاده
وطفلٍ يصيح من القهر اه منضام     يشكي ترى من ذلٍ أصبح وساده
ماتت أحلام وانتهت بعدها  أحلام    ومات الأمل بالقدس والذل  ساده

 هـلا بــك

هلا يا فرحة الدنيا وهلا يغـلا بشـر بالكـون
                       وهلا بصوتٍ أعاد الروح علي وعاد لـي ذاتـي
هلابك كثر ماهب النسيم ولـه تميـل غصـون
                         وهلابك كثر ما فيني بسببك أحـزان وأهاتـي
وهلابك كثر ما حبك وكثر شوقي لك المسجون
                         وهلابك كثر ما قاسي مـن غيابـك معاناتـي
وهلابك كثر ماغنٍ(ن) أحاسيسي عليك شجون
                         وهلابك كثر ماطالٍ علـى دروبـك مسافاتـي
وهلابك كثر كلماتٍ بهن كـل البشـر يحكـون
                       وكثر كل الحروف اللي على شفاه البشر تأتـى
        وهلابك كثر ما تشرق الشمس بلونها المصيون           
                      وكثر مسرى القمر والليل الماضي مع زمن يأتي
وهلابك من خلق آدم لأخـر ادمـي بالكـون
                        هلا يا جنـة الدنيـا وهـلا يجمـل حكاياتـي
هلا يا شمعة الدنيا وياشمس العاشق المجنـون
                       هلا يا أخر بداياتـي وهـلا يـا أول نهاياتـي

 رغم الجفـا

رغم الجفا يبقا الغلا داخلـي حـي
                         ورغم الجروح اللي بقلبي دفنتـي
احتاج قربك حاجت الكـون للمـي
                         أنتي الحياة ولابعـد يـوم هنتـي
واحتاج قربك حاجت العين للضـي
                         واشتاق لك ياللي بقلبـي سكنتـي
يشتاق لك قلبٍ (ن) طواه الجفا طي
                          شوق العما للشوف ياعيوني أنتي
بعدك حياتـي ياحياتـي ولا شـي
                         وأنتي على روحي من الناس منتي

 حبي لغيرك

صدقيني من رحلتي انتهى حلـم الغـرام
                        ولابقى للحب فيني من هجرتينـي مجـال
كن حبك لي مباح وحب غيرك لي حـرام

                       حبي لغيرك جريمه وحبي لك أنتي حـلال
لوبغيت أكذب وامثل غلا غيرك بالكـلام
                        صدقي حتى شفاتي ترفظه لوهـو خيـال
حتى مجرد غلايه للحياة اصبـح سقـام  
                        كن بالموت التلاقي والقبر حبل الوصـال
من رحلتي والله اني فاقدٍ معنى السـلام  
                        وكل حلمٍ في حياتي انتهى وأصبح محـال
أنتي اطهر روح عشتك حب لحدود الهيام
                      وأنتي أول وجه وأخر وجه يرمز للجمـال

 شبه إنسان

تجي تبعد على كيفك المثلك مـا حسبـت أحساب
                        تجي وتروح ما يفـرق أنـا عنـدي غـدا عـادي
هذاك أول أبى قربك خطـاك آنسـاه دون أعتـاب
                         تقول ابعد وأجي يمك احسـب أنـك لـي تنـادي
حسافه خاننـي قلبـي وجعلتـك سيـد الأحبـاب
                           أحب اللي يحبونـك وأعادي مـن لـك يعـادي
جذبني طبعك الهادي وسحرنـي هرجـك الجـذاب
                         حسبتك منـي وفينـي لـك بروحـي أنـا فـادي
لأنك كنـت لعيونـي نظرهـا وللجفـون أهـداب
                          أشوفك بالسماء نجمـه جذبنـي نورهـا الهـادي
وأشوفك شمس بعيونـي ولكـن ياحسافـه خـاب
                        أمل كنت أشعله شمعة فـرح فـي عيـد ميـلادي
ولاكن بانت علومـك عرفتـك يـا شبيـه الـداب
                           تشيـل السـم بأنيابـك وأشيلك حـب بفـوادي
عرفت أنك شبه إنسان مجرد جسـم وسـط ثيـاب
                         يوسوس لك عدو الأنس تـدس السـم فـي زادي
معي بسم ألوفا تمشي وتمارس لعبـت الأعصـاب
                      تظاهر لي وفي مخلـص وكشفتـك اكبـر معـادي
أنا من كثر حبي لك نصحتك ليـن رأسـي شـاب
                        على درب الصواب أهديك ولاكـن ربنـا الهـادي
وأنا لو كنت اعرف أنـك تبـدل لتفـه الأسبـاب
                         منـزل قـدري القـدرك بعيـدٍ عنـك يالـغـادي
أنا لي عـزتٍ ترفـض صداقـة واشيـن مغتـاب
                         ترى فرقى أردي مثلـك احسبـه ثالـث أعيـادي
وأنا ماهـي مـن طباعـي أدارى خاطـر الكـذاب
                         أقول الهـرج فـي وجهـك ولنـت بقـد لعنـادي
لاصار من الخطى كأسك طفح وأمسيت له شـراب
                          زرعت الشوك أنت اللي في ثمر غرسـه البـادي
تحمل غلطتـك ورحـل وأضنك فاهـم الأسبـاب
                         وأنـا رحـال وفراقـك منـاي وغايـة مــرادي
آبى أدور وفـي مثلـي صـدوقٍ للوفـى طـلاب
                          على وضح النقى يمشي مشاحـي فكـره بعـادي
وأبى افتح صفحتٍ بيضا وأبي أنسى ماضيٍ ما طاب
                         وأبي أشعل للأمـل شمعـه بـه الآمـال تنقـادي
وأبي اعتبرك مثل حلمٍ حضر وقت المنـام وغـاب
                       وهم زار الخيـال وراح فعـل ماضـي ولاعـادي
عسى دونك يحول اللي وراك وترقب المـر قـاب
                         وعساك اكبر خسارة بهـا حـظ الشقـي جـادي
وعساني ما فقد أغلا منك وعساك أنت أخر الغياب
                         وعسـاك أخـر معانـاةٍ هدفهـا تهـدم أمجـادي
وعسى فيها تعـرف انـه عملـك مـدونٍ بكتـاب
                       حسابك تأخـذه وافـي مـا هـو ناقـص ولازادي
وعسى ترجع إلى عقلك وعلى الماضي تصك الباب
                        وعسى تندم علـى طـرقٍ بهـا تمشـي بلاقـادي

 الصقر يخضع

خليني أبحر في عيونك مـع الشـوق
                                وأن مـت أنـا بأهدابها كفنيـنـي
لي انظـري نظـره وفيـه لمعشـوق
                            نظـرة غـلا فيهـا الوفـا يحتوينـي
فيها تداوى جروح وجروح وحـروق
                            فـي داخلـي عانيتهـا مـن سنينـي
وإذا تشـاوت ارفعـي بيرقـك فـوق
                           وسوي مثل غيرك معـي واجرحينـي
جوري وصدي وأوقفي للفرح عـوق
                            الوضـع عـادي بالجفـا عاقبيـنـي
ياما شكى قلبي مـن الغـدر والبـوق
                            مهو أنتي أول من نوى الغـدر فينـي
ولاهو أنتي أول من نقض عهد موثوق
                            قبلـك كثيـر مـن البشـر صدقينـي
كم مات حلم وحلم بالصـدر مخنـوق
                            وشيعـت جثمانـه أنـا فـي يدينـي
أسف عيوني مااجي لك على الـذوق
                            نفسي عزيـزه ماخضـع سامحينـي
عادي تجينـي او تروحيـن برفـوق
                            دام اختلـف بالحـب دينـك ودينـي
الصقر يخضـع لاتمكـن لـه سبـوق
                          وأنـا خضعـت لعزتـي واعذرينـي

 مثل خبلٍ

حافظٍ(ن) لك كلمتين وشفت نفسـك فليسـوف
                             لاتفلسف وأنت جاهـل فـي علـوم الفلسفة
لابسٍ(ن) لك ثوب عزٍ(ن) وصف راعيه معروف
                            لابسٍ(ن)ثوب الجهل من حدر ثـوب المعرفة
ماشربت مـن القـراح ولاغرفتـه بالكفـوف  
                           تشربه بكفوف غيرك ولاشكرت اللي اغرفـه
تدعي شوف الحقايق وأنت بعيونـك كسـوف  
                            كنك اللي جاب عود الكحـل وأعماه طرفـه
في خيالك أنت فارس وأنت جاهـل بالسيـوف
                         ماشيٍ(ن) لك في طريقٍ(ن)وأنت جاهل بهدفـه
وفي خيالك أنت سيد في جزيـلات الحـروف
                          وأنت لو تقرا الحقيقة تـدري مابـك معرفـه
وفي خيالك أنت عالي غير نفسـك ماتشـوف
                          وأنت نفسك بالطمان وفـي خيالـك مشرفـه
ليـه هـاوي للرذيلة ليـه ماتبغـا تنـوف    
                          ليه ماسقـت المفاخـر كـان ماهـي مكلفـه
تدعي باسم الشجاعة وأنت في داخلك خـوف
                         واللي مثلـك ماهقيتـه لارمـا صـاب هدفـه
مجتهد تبغـى تبهـا بـس خانتـك الضـروف
                         النخيل اغـراك تمـره لكـن اعمـاك سعفـه
طول ليلك من هبالك عايـش بحلـم وتحـوف
                          مجدٍ اكبر من خيالك مانت من ضمـن سلفـه
متعبٍ نفسك بنفسك بالوهـم هـاوي تطـوف
                          مثل خبلٍ بالشعيـب ارتـاح والسيـل جرفـه
التعب لو طـال هيّـن كـان تاليـه مخلـوف
                        واعساالله يخلف اللي شاف فيـك انـت خلفـه

 رغم الجفا

رغم الجفا يبقا الغلا داخلـي حـي
                                     ورغم الجروح اللي بقلبي  دفنتـي
احتاج قربك حاجت الكـون للمـي
                                     أنتي الحياه ولابعـد يـوم  هنتـي
واحتاج قربك حاجت العين للضـي 
                                      واشتاق لك ياللي بقلبـي سكنتـي
يشتاق لك قلبٍ(ن) طواه الجفا طي
                                     شوق العما للشوف ياعيوني أنتـي
بعدك حياتـي ياحياتـي ولا شـي
                                    وأنتي على روحي من الناس منتي

 ياشيخ

ياشيخ استح على دمك 00 ترى بعض السوالف عيب
                                             اعتز بالمرجله واترك 00 كلامٍ تافهن فاضي
 أنا لو قلت لك مخطي 00 تقول أنا ماخطيت مصيب   
                                          تحاكم نفسك بنفسك 00 بريء ومدعي وقاضي
 امانه طالع الوجهك 00 وشف كم وكم طلع به شيب     
                                       تناصف عارضك ابيض 00 وقارٍ صاطعن ياضي
 تبي تكبر بعد اكثر 00 عشان تخيط شق الجيب       
                                      محال اللي بقا بعمرك 00 يعوض عمرك الماضي

شعر/ محمد العيسى

alshmmalyy@hotmail.com
السعودية - الجوف