العنان / رعشة هدب
صفحة الشاعرة سجايا الحرمان
اه لو تدري
آه لو تدري عن إحساس الخفوق
كان ترحم حالتي وتعطف علي
يشبه إحساس الشتا برد وبروق
والمـطر والــرعد ومـزنٍ معتـلي
ويشبه من الجمر بي سوى حروق
لـــك دفاه وباقي الأضرار لـــــــي
إيه أعاني منك نسيان وعقوق
وإيه أحس أني
بقلبك مُهملي
فيك عن باقي البشر عدة فروق
سهل لباقي البشر عسرٍٍ علي
قلبي لإحساس الوفا منك يتوق
لا تسبب في صدودك
مقتلي
يوم حبك في وسط قلبي يفوق
حب
ناسٍ يقربوني من هلي
كيف قلبي منك اودعته بعوق
وقلبك من الهم يا خلي خلي
ماخذٍ حقك ولي عندك حقوق
اشهد إني فيك والله مبتلي
يا صاحبي
يا صاحبي مالك من البعد مصلوح
ارجع وتسكن بين جفني وعيني
يابعد عمري وراحة القلب والروح
ياغاية كنت ارتجيها بسنيني
تترك غريب ٍ ماله إلا أنت وتروح
وأنت السبب في غربتي ياضنيني
تترك حبيب علمه حبك النوح
جداي بس تصفق شمالي يميني
ياصاحبي ماني حديد و لا لوح
ما تلتفت يمي و تروي حنيني
يامالكي والله انا منك مجروح
أقسمت لك باللي خلق نور عيني
داوي جروحي وما مضى منك مسموح
تكفى لا عاد تقول ماشي اتركيني
برد الاسحار
قم يا نديمي نطوي
الليل سمار
جدد لهيب النار دام الغضى حي
لا فوق راسي سقف و لا حدني جدار
واطلق نظر عينك ولا يردها شي
لا هبت انسام بها ريح الامطار
وساق الرعد مزنا به البرق يضوي
وحنا تجمعنا على شبة النار
و السيل سايل لشهب القاع يروي
وفيك احتمي يا خل عن برد الاسحار
واقول لك نسري وتقول انت بدري
وتفوح ريحة هيل بن ومسمار
اذا بغينا نطفي النار ونسري
واقول لك يا خل مليت الاسفار
وتسأل غلا ياخل واقول انت
تدري
شعر / سجايا الحرمان
السعودية - تبوك
