صفحة الشاعر
صالح العامر
للاطلاع على ترتيب الشاعر ضمن
سباق الأدباء وتسجيل رأيك
اغتم سمائي
اغتم سمائي
وجوي اليوم يغتم= باسباب هرجن يابوصالح وشابه
ابااستشيرك ياسبيعي عن الهم =
هم العشير اللي غدرني بنابه
عشرة عمر والقلب يزودبه غم=
غمٍ بثر غمٍ تزاود ارهابه
بدل أسنين العمر بالسم والسم =
نسى الصداقة والمحبة سطابه
وش هقوتك ياذيب من عملت الذم= وش هقوتك والقلب لا مارضابه
وكم خيرٍ ياكم كمن مع كم=
جوني عن المذكور هرج وكتابه
وصحيح ان الحقد يمشي مع الدم = ولوكنت ماتشوفه بوجهه شهابه
وجه يابو صالح اظلم من الظلم = ويلعن ابو
حظٍ له اليوم جابه
يومه نصحني أستاذ والخي والعم=
ماطعتهم ياذيب لا وعذابه
وجاني قريبه مع صحيبه من أعظم = ماطعتهم ياذيب وقلبي خطابه
واليوم انا أعض الأصابع من اندم=والنفس مجروحة وجرحه أصابه
لاتغركم ياناس ضحكه من الفم =
لايغرك ياناس حكياً حكابه
اختر صديق العز لا حشمت يحشم =واترك خبيث النفس يزيدك كآبه
وترى كريم القوم من العز يعلم = ويفخر بفخرك لا حصلك إعجابه
وتر خبيث النفس من الطيب يسقم= ويطق طوره لوحصلك أنشابه
وترى كريم النفس من الطيب يشتم = ماهو ابمثله غايرن
وسفابه
للأحاسيس تفسير
ودي القي للا حاسيس تفسير =
ليش القلوب لبعض الاشخاص تشتاق
الحب غير وضع لافكار تغيير = يرسل
مـــناديب المحبه بالامواق
وشعاد لونك كما ســــــالم الزير = تصــبح ذليلـــــــن للعـــماهيج منساق
المضحكات المعطيات المناكير = سلطانهن كـــا السيف قطاع
الاعناق
هيم الوسوط مخضبات الاضافير = خدر العيون اللي به الموت شراق
بسمك انادي
هل تذكرين
المحبة والفرح فيني يسود هل تذكرين المباسم صادقه من
خفوق
ليه تنسى المحبة ليه تنسى الوجود ليه ماقلتي إني
بالمشـاعر صـــدوق
ليه تقسى وتجفى ليه زاد الصدود
نسيت قلبٍ يحب نسيت قلبٍ شفــوق
كل ليله أتحرى يمـكن لعله يعود
وكشفت كذبة محب للقلب أصبح سروق
ترى البداية صراحة والنهاية جحود
والضحية أسير اطـلب لعلـه يفوق
فكرتبك ياحياتي وهلت دموعي بزود قمت أنادي
ونادي بسمك أنادي ياشوق
موج حبي
يانفس روفي ورحميني
بالأيام وروحي
لنوره وخبريها بهمي
قوليله اللي ينتظر يوم وعوام
حبه سرى بين الضمير ودمي
هي الذي حبه يرمي بالاسهام
وأنا جريحاً صابني اليوم سمي
سهران انا لليلي كني بالإعدام مثل المريض
اللي له الموت ضمي
ولا صويبن صابه الكسر بعظام
يشوف جرحه التهب مايدمي
أصبحت أصارع موج حبي بالأوهام وأصبحت أصيح وزاد همي وغمي
صيحت يتياماً حسبي الله علي أيتام
سنه صغيرٍ يفتقد من يخمي
حالي كا حال الصغير لينام
جرحاً بقلبي يعرب من يلمي
النور بين
النور بين وبـان
النـور بانتاجـه
من شاعرٍ يكتب الأمثال في شمـر
وجه لناصر وبيض الخـد وهاجـه
حيثه كريم الفعايـل بالكـرم نمـر
برد قافه وقـاف القـاف هراجـه
قافٍ من اللي تبيـن فعلـه وشمـر
ناصر عريب الأصل ماجيت بحراجه
قحطان لامن خصيمه حاقد و غمـر
اعيال شايب يصير الويل بفواجـه
خلوا عدوه بحـد السيـف يتذمـر
لهم فعايل قديمـه بانـت ابراجـه
لادق طبل الحروب وموتهـم زمـر
والمشكلة لو تـزود وزاد بفجاجـه
خلو عدوه بحـر المـوت يتجمـر
أرحب يابدونها والطيـب منهاجـه
لا صاح في صوتهم بطيب يتسمـر
معززن ضيفهم بالوسط هـو تاجـه
وفنجالن يبري براس الضيف لاخمر
ومابه كـلامً يليـق بكـل دواجـه
قول الصراحة صريح ومالها مامـر
حفظ التقاليد فيهم صارت إدماجه
وفرحتهم غيمً بوسط الجـو لاهمـر
والدوسري اشكره والطيب منهاجه
خالد صدوقً صدق بالهرج ماقمـر
وابشكر اللي بدع بالقاف بفراجـه
ناصر وخالد سوا والطيب لاعمـر
الكل منهـم كريـمٍ بـان بخراجـه
والنار تاكل حطب لا شتب اوجمـر
يالله
يالله ياللي
عندك الغيـب والعلـم
المعتلي يضفي علي الكون علمه
وأنا دخيلك يالهي عـن الظلـم
ألوذ بك عن سؤ الأنفس وظلمـه
يالمعطي المنان ياوسـع الحلـم
جل وتعالي محدً قـاس حلمـه
قال الفهيم اللي تكلم لكـم كلـم
ويصخر المعني علي شان كلمه
عل وعسى في يمكم مابها تلـم
ومابه حلا ونصار بشعر ثلمـه
ياناصر اللي يعلن الحرب والسلم
وش العمل بشر ويبيـن سلمـه
ياطعن بربعه والرفاقه مع الزلم
وليا بغي شيٍ بكـا عنـد زلمـه
ملعون وجه كنه اسود من الدلـم
اسود سواداً باينـن لـون دلمـه
جبته ولا هي في مسلسل ولا فلم
هذي حقيقة والبطولة بفلمـه
وقبل سلامي عد كيفٍ مـع لـم
وعد المعاني شاعرن كيف لمـه
ياهم الخفاء والماسئ
ياهم ياهم
الخفاء والماسئ يامحزنن
قلبي علي غير طاري
وش سبتك ياهم ظالم وقاسي وأنت الوحيد اللي علي القلب داري
ماشفت بيض الشعر بين براسي والفكر اصبح للحزن دوم شاري
من أول(ن)ياهم قاوي وراسي واليوم أنا مهموم بوسط الطواري
أهلي بعيد وكل ربعي وناسي يم الشمال اللي
به الطيب قاري
أبي أموت بديرتن به مداسي وأنسى همومي مع رفيقي وجاري
ياهم ياهم الخفاء والماسئ
يامحزنن قلبي علي غير طاري
شرع الهموم
الله مـن قلـب(ن) تزايـد اشنـوعـه
علي الجريـح اللـي تبهـذل بالايـام
عينـه تهـل وزاد دمعـه وروعــه
واصبح جريح(ن) وسط فراشه ولانام
يشكـي مـن الايـام وهمـه يلوعـه
لوعة سجين(ن) ينتظرحكـم الاعـدام
يذكـر ابـوه وحالته هي قنـوعـه
عـود(ن) تحمـل بالمصايـب والآلام
والمشكلة ياخـوك بـأم(ن) جزوعـه
صابه جنون(ن) يوم دريت بالأعلام
وهلت من العبره وصافـي أدموعه
وصارت مريضه طايحه وسط الأوهام
البيت اظلم وانطفت باقـي اشموعـه
والضحكت البيضاء تلاشت بالاغتـام
هذي أهمومي جبتـه فـي أشروعه
شرع الهموم اللـي تزايـد بالإظلام
بالمجتمـع هـذي مصايـب تروعـه
يشيب راس الطفل يصبـح بالأحلام
وش سبت المبلي تـزاود صروعـه
كل(ن) كلا لحمه مع باقـي اعضـام
عروبة
أنا كل ماجيت أبي اكتـب
بالحـروف حـروف
شكيـت الهـم للواحـد شكيـت الهـم للبـاري
سهر ت الليل في هجعه وكني للشقـاء ملهـوف
صرخت بصوتي الخافت وكني للشقـاء سـاري
لقيـت الهـم يندبنـي دموعـي مالـهـا روف
أكابد في هموم الوقت من البائـع مـن الشـاري
لقيت النفس غرقانه حزينـه بالهـوى والخـوف
وأشوف الموت والكافر ومسلم يشغـل الطـاري
وأشوف الموت في بغداد وطفلٍ مالقالـه روف
مدافع ترمي المسلـم يصيـح بصوتـه بثـاري
عروبة كيف مانبكي ورمـحٍ يطعنـه بالجـوف
عروبة كيف في بغداد ودجلـه والنهـر جـاري
عروبة والدموع كثار عروبة والرياح اصلـوف
عروبة في قديم الوقت صرخ في صوته الضاري
عروبة كيف مانبكي حزينة والاسـم بحلـوف
عروبة ثوبـك المكسـي سـوادٍ بالخفـا داري
عروبة كيف في بغداد اجل والقدس والمرجـوف
اجل يحقلي ابكـي علـي كرسـي نهـج ذاري
شعر / صالح العامر
السعودية_الظهران
king1_302@hotmail.com
