صفحة الشاعر
سليمان السريع
saadmod@hotmail.com
للاطلاع على ترتيب الشاعر ضمن
سباق الأدباء وتسجيل رأيك
تقول بدري
تقول بدري . وقلت
وخالقك بدري = لكن أنا كيف اطفي شعلة أشواقي
إن جيت زادة وإذا روحت بي تسري = والشوق لا زاد وسط القلب حراقي
صبرت لكن عيونك حطمت صبري = خليني افرغ الشحنات بوراقي
صحيح ما اخضع ولكن لك خضع شعري = والخوف ( لـ اجيك كلي ) يسكن أعماقي
ما بين نبض القصيد وسانحة فكري = ما زلت أقاوم وباقي واقف باقي
وإذا سكنتك . عيونك للبشر عذري = وان طحت في يديك قولي صيدت أحداقي
أمانتك لو حصل أبقى على قدري = أموت لو شفت قدري نازل راقي
وأمانتك قلبي اللي داخله يجري = حبٍ يغذي الخلايا ويظهر إشراقي
لا ينجرح منك ثم يصير وش صغري = أمام أجمل قناعاتي وعشاقي
أقول لو ذا حصل وأظنها بدري = يا صعبها وقفتي لك تحكم وثاقي
ثورة غضب
الحب كان انـه يـذل
الرجاجيـل 0 ابتركـه يـا بنـت دقـه وجلـه
وأقول روحي واتركيني مع الليـل 0بين الهمـوم بيـن ستيـن علـه
إما قدرت اركب على صهوة الخيل 0وإلا يكفينـي رفضـت المذلة
صبرت لين انه طفح عندي الكيل 0 ودمحت لك يا بنت عشرين زلة
واليوم أنا طفيـت كـل القناديـل 0ظلمـا ولا شوفـة وجيـهٍ مغلـه
عيشي الجفاء خلي دموعك هماليل 0وان قلتـي ارجـع قلـت لله ولله
معاد لك في وسط قلبي مداخيـل 0ثورة غضب حلة بقلبـي محلـه
وأنا نطقت القول والقول لا قيـل 0عيب على الرجـال يرجـع يفلـه
خلاص روحي جعلها لك تساهيـل 0يالي نطقتـي كلمتـك مسفهلـه
عاقل ولالي في طريق المهابيـل 0أبوي قـال اللـي يخليـك خلـه
ولا نيب من يقبل على نفسه الميل0 وإلا يصوت ينتظـر فزعـة لـه
أحلها لا شربكوهـا الحلاحيـل 0حبـل أرخـي لـه وحبـل اتلـه
يا سيـده ماعـاد للهرج تكميـل 0من شان عينك بترك الحـب كلـه
شخص واحد
لا تـزرعـين
حــدود بيــني وبيـــنك 0000 ودي نكــون اثنين في شــخص واحـد
خلي يديني يا الغــــلا في يديـــنك 0000 اصــل الجفــاء
أول طــريق التـــباعد
ما جيت لك مشتاق من شـان زينك 0000
جيـــتك غـلا وإلا ترى الـزين واجـد
ودي أحـــس بلهفـــتك مــع حنينك 0000 ودي أحـــس الشــــوق
بالحـــيل زايـد
ويا كــثر مـــا ودي عسى الله يعيــنك 0000 تحمـــلي شـــخـص عشــق كل
كـــايد
يفــــهم إذا مـنك رمشــتي بعيــنك 0000 والعـــلم تـوه بين
صـــــادر وارد
وإذا بغـــى يرسم رســـم حاجبيـــنك 0000 وإذا
بغـى يكتــب كــتب لك قصـــايد
وإذا بغـــى يـرتاح عــــانق سنيــــنك 0000 وإذا بغـــى عــيده حظــر لك
معــــايد
سمين غـــيرك ما يعــــادل ســـمينك 0000 والجــــزل من غــيرك بعـيني
زهــــايد
يعــــني حبيـــبك قال هاتـي يديـــنك 0000
حتى نـكون اثـنين في شــخص واحــد
معاناة زوج معلمه
قالت أكلك فـي
الثلاجـه"" قم جبه يا راعي الحاجـه
أنـا رجليتنـي منعاجـه "" من كثر الروحه والجيـه
علمتـك مكانـه ويـنـه"" قبل البارحـه مسوينـه
وفي الثلاجـه حافظينـه "" يكفيك سبـوع وشويـه
انته ناسي اني في اجـازه "" وانـي للراحـه معتـازه
افهمهـا يعنـي عجـازه "" ولا يكثر ومـرك عليـه
والا ناسي انه لي راتـب "" يعني حدك وقف حاسـب
حنا سوا فـي المكاسـب "" ترى الدنيـا لـك وليـه
وحنا في عصر التساوي "" راجع نفسك كانك غـاوي
محمـد كنـه مضـاوي "" صرنا في الحاله سويـه
يعني افهم هلب يور سلف "" والا في امريكا لي حلـف
ما نبغى رجـال صلـف "" نرفع فـي حقـه قضيـه
قم راجع لي في التقاعـد "" وابشر بالخير اللي صاعد
والا تامر وانتـه قاعـد "" صراحـه مابـك حنيـه
قلت أبشـري لودرينـي "" تقاعدكـن فالعشريـنـي
قالت حتى أنت تمنينـي "" كـلام مـا لـه ماريـه
على العموم اسمع قولـي"" مالك من هرجك محصولي
إهمالي عنـدك محلولـي "" وإلا المـديـره جنـيـه
تسأل عن سبب تأخيـري "" وتفتش دفتر تحضيـري
وتفرح لو تلقى تقصيري "" وتنقصنـي عـن الميـه
وش تنفعني في التقييـم "" انته يـا بـو المعازيـم
مير اختمهـا بالتسليـم "" ولا يكثر ومـرك عليـه
سكت وقلت أنـا الابلـه "" ليش اناقش وحده أبلـه
قبـل التقاعـد منهبلـه "" مسكينـه أبلـه سنـيـه
رقص الجنون
زحام وأوهام وفرح
حزن وندم . ضحكه وألم
الصمت لا يعني رضى
والدمع لا يعني جراح
الصبر مفتاح الفرج
اسمع بها منذُ زمن
صدقتها رددتها وغنيتها بألف لون
ورقصت من زود الجنون
وآخر مشاوير السباق
الفايز الأول عرج
قيام جلوس انضباط
هذا النظام . وسط الزحام
اسمع ولا تبدي اعتراض
وأحذر يبين الامتعاض
يعني نظام الانضباط
توقيع في كشف الحضور
وممنوع من وجبة فطور
محروم حتى من الكلام
ومحروم من رد السلام
هذا النظام – وسط الزحام
اسمع ولا تبدي اعتراض
وأحذر يبين الامتعاض
الوردة
الـــوردة
اللي مــعي ما نيب مهديها إلا لــمن يـستحق الـــــورد ويـصـونه
واللي مع الخـيل يا شـقرا هــقاويها
تقعد مع الخــيل وســـط الناس مغبونه
النفــس عن مـرتع الخـفرات ناهيها
مـــجنون لو جيت أدور قـلب مــجنونه
لي وحـدة سـاكنه فالقلب واغــليها
حبـيـتها والعهـد والله ما أخـووونه
هـي مــهرة والعــنان بكف راعيها
و أســـرارنا عن جميع الناس مدفونه
ما هــيب كلــمه تــبعدهـا وتـدنــيها عقــل وثقـــل ما تقـــول اللي
تقـولونه
في نـون عيـني عـن العـالم مخفيها
وفي وسـط قلبي عن العشاق مسجونه
حتــى وأنا فـي لذيذ النــوم أناديـــها
وحـــروفها مع قصيدي دوم مــقرونه
أبزعل الناس لا زعـلت و بـ أرضيها
مــفتون فـيها وهي بي حيل مـــفتونه
ما ناظـــرت للعــــيون اللي تراعيها عهــد الغـــلا بــند ســري ما
تشوفونه
أي والله أحــــبها واحب طــــاريها وأفــز لــــوحيت طــــاريها
تجيـبونه
ولا شــــفتها مـــقبلة فزيت احيــيها
ومن دون مدري يبوح القلب بشجونه
أقـــوم أراجـــع كـلامي لجل مـوذيها أخــــاف مــن كلمة ما هيب
مـــوزونه
أخـاف ابي كحلها و أعـــود أعـميها
ولــو صابها هــم دمعي غرق جفونه
كل الحـــــلا لقبلت متـــجمع فـــيها والمـــوت
الموت بين الرمش مع نونه
والعــقل من طبعها والــزين كاسيها
وكلامها همس شــــاعر رتب فــــنونه
وان روحت راح انا قلبـــي يباريها
القلب مــلك لها والـــــروح مــرهونه
إحساسي اليوم كله صار في أيديـها
في يدين عـــاقل ولا عشـرين مجنونه
اتخيلك
أتخــــيلك قـــدام
عيني وراعيك ورغـم المسافة ما نسيتك ثـواني
يا غــالية قلبي من البعــد داعـيك حبيبتي أضـحك وسـولف وأعاني
تدرين لو ســافرت ما نيب ناســيك واهدي لك أجمل ما سمعت من أغأني
حبيبتي كل المشاعـــر ممـــاليك وشلون أبكتب شعر في شخص ثاني
روحي مـــعك والقلب مــتعلق فيك يعني حبـيس إحساس قلب دعاني
يكفي وأنا في وســـطهم قمت أناديك وأقــول يا حـلاهم مـلكتي كياني
وجلست أسولف لك بقلبي وأحــاكيك والعب بشـعرك واشتكي من زماني
وصحيت من حلمي وأنا ما سـك أيديك واليا مـكانك غـير نفس المـكاني
وذكرت بعـدي كيف أسـافر وأخـليك يا مــن غمرتيني بعـطف وحناني
مالي عــذر عــذري كتبتك وأغنيك وأقــول يا روحي فـراقك كواني
كل القصايد
