ياغيث ياليث
أطلقت سبق الكلام وإنت تدري..بـي
أنّي إذا حانْ الكـلام أنـوّع ..أنغامِـي
حلواتْ معنـى ولا فيهـن ..عذاريبـي
يصوغهن باقتـدارٍ صايـغ..إلهامـي
سرى عليهن بليلـهْ سريـة..الذيبـي
صيّاد ما خاب دايـم مخلبـهْ..دامـي
لـو لبّسوهـن عقـودٍ ..للغراشيـبـي
تاهن على الغيدْ في ملبوسها..السامـي
ومن يقدر ايجيب وصفك م الأعاجيبي
وصف السما والمطر والموج..لطّامي
ملكتْ كلّ المعاني وحـدك..تصيبـي
إذا المعانـي تجلّـت كنـت قدّامـي
يا أوّل الناسْ في عالـي..المراتيبـي
ومن دونك الناسْ حاكم فوق..حكّامـي
يا غيث يا ليثْ يا خوف ويا..طيبـي
يا ماء يا شمس يا متلف ويا..حامـي
كذاك فعل الضواري يـا..معازيبـي
كلّ الجوارحْ على مفروسـه..العامـي
يا زايد وإسم زايـد وحـده..ايثيبـي
يكفي عن الجيش بالرايه..والاعلامـي
لولا احتمالـك وتذليـل..المصاعيبـي
دولة الإمارات كانت بعض الاحلامي
إنته لنا العيـد فرحـات..وتراحيبـي
وايّامنا بـك أعيـاد طـول الايّامـي
وعيد الجلوس الذي طيبه على..الطّيبي
كان البدايه لمجـد وعـز ..وانعامـي
محمد بن راشد المكتوم